Erning ikki yarim sharida joylashgan stadion haqida bilasizmi?

Braziliya shimolidagi Makapa shahrida mashhur futbol stadioni bor. Bu stadion rekordchi yoki biron bir muhim voqea uchun e’tiborga loyiq emas, lekin uning futbol maydoni dunyodagi eng noodatiy hisoblanadi.

1990 yilda ochilgan ushbu stadion shunday loyihalashtirilganki, yarim yo‘l (maydon markazi) aynan ekvator bo‘ylab o‘tadi, ya’ni o‘yin davomida ikkala jamoa ham turli yarim sharlarda o‘ynaydi.

Ushbu stadionning rasmiy nomi - “Estadio Milton Korrea” bo‘lsa ham, hamma uni “Zeran” ("Katta nol") deb ataydi.