Zelenskiy Rossiya armiyasi qamal qilayotgan Kupyansk shahriga keldi

Ukraina prezidenti Vladimir Zelenskiy Telegram kanalida Xarkov viloyatining “Kupyansk” shahrida olingan videoni e’lon qildi.

"Bugun – Kupyansk yo‘nalishidaman, bu yerda jangchilarimiz Ukrainaga natija olib kelmoqda. Ko‘plab rossiyaliklar Kupyansk haqida gapirmoqda, biz esa kelib ko‘ryapmiz", — dedi Zelenskiy.

20 noyabrda Rossiya Bosh shtabi boshlig‘i Valeriy Gerasimov prezident Vladimir Putinga Kupyansk Rossiya nazorati ostiga o‘tgani haqida hisobot bergandi. 2 dekabrda esa Gerasimov Putinga Rossiya harbiylari Kupyansk hududida qurshovda qolgan Ukraina harbiylari guruhini siquvga olayotganini ma’lum qilgandi.

“Meduza”ning so‘nggi harbiy sharhiga ko‘ra, Ukraina Qurolli kuchlari yana Kupyanskni egallamoqchi bo‘lgan Rossiya armiyasiga muammolar yaratishga muvaffaq bo‘lgan.