Ukraina prezidenti Vladimir Zelenskiyning ma’lum qilishicha, Donald Tramp «energetik sulh» e’lon qilganidan keyin Rossiya Ukraina energetika infratuzilmasiga 76 marta zarba bergan.
Zelenskiyning ta’kidlashicha, so‘nggi bir hafta davomida Rossiya armiyasi Ukraina hududiga qariyb 2700 ta zarbali dron, 1700 ta aviabomba va 66 ta raketa bilan hujum qilgan. Hujumlarning asosiy nishonlari energetika ob’ektlari bo‘lgan.
«Rossiyaliklar mamlakatda elektr ta’minotining to‘liq uzilishini keltirib chiqarishga harakat qilmoqda», — dedi Ukraina prezidenti.
Uning fikricha, AQSh Rossiya sanksiyalar yumshatilishi yoki kelishuvlardan foyda olish imkoniyatiga ega bo‘lganiga qaramay, urushni to‘xtatish yo‘lida qadam tashlamayotganini ko‘rishi kerak.
«Aksincha, ular pul ishlab olish imkoniyati haqidagi har bir signalni urushni davom ettirish strategiyasi samara berayotganining belgisi sifatida qabul qilmoqda. Rossiyaning aynan shu pozisiyasi tufayli urush davom etmoqda, Ukraina o‘zini haqli ravishda himoya qilayotgani uchun emas», — deya ta’kidladi Zelenskiy.
Rus qo‘shinlari Kiyevga olib boradigan yaxshi asfalt yo‘ldan yurganida...
Rashid Malikovning filmi Moskvada bosh sovrinni qo‘lga kiritdi
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
