Ukraina prezidenti Vladimir Zelenskiy AQSH, Xitoy va Rossiya o‘rtasida kutilayotgan muzokaralardan oldin Abu-Dabida (BAA) Ukraina, AQSh va Rossiya delegasiyalari ishtirokida uchrashuv o‘tkazish tashabbusini ilgari surdi. Uning ta’kidlashicha, AQSH, Xitoy va Rossiya rahbarlarining ehtimoliy sammitida Yaqin Sharqdagi vaziyat hamda Ukraina-Rossiya nizosi muhokama qilinishi mumkin.
Zelenskiyning so‘zlariga ko‘ra, Vashington avvalroq o‘zaro murosaga kelish uchun bir nechta variantlarni taklif qilgan:
Donbassda qurolsizlantirilgan hudud barpo etish: To‘qnashuv chizig‘ining har ikki tomonida demilitarizasiya zonasini tashkil etish — Kiyev ushbu variantni muhokama qilishga tayyorligini bildirgan.
Hududlar almashinuvi va Zaporojye AES: Hududlar bo‘yicha murosa hamda Zaporojye atom elektr stansiyasi bo‘yicha alohida kelishuvlarga erishish.
Kinburn burnini demilitarizasiya qilish: Kinburn kosasining bir qismini qurolsizlantirish va unda Ukraina nazoratini saqlab qolish.
Ukraina rahbari yakuniy qarorlarni faqat Ukraina va Rossiya rahbarlari qabul qilishi mumkinligini, ammo hozircha hududiy masalalarda aniq siljish yo‘qligini ta’kidladi.
Bundan tashqari, Zelenskiy Yaqin Sharqdagi harbiy harakatlar Ukrainaga ko‘rsatilayotgan harbiy va moliyaviy yordamga salbiy ta’sir ko‘rsatganini qayd etdi. Xususan, uning ma’lum qilishicha, 2026 yil davomida Kiyev AQShdan oyiga bor-yo‘g‘i 12 ta Patriot raketa tizimi raketalarini olgan.
Sun’iy intellekt dunyodagi eng qimmat surat muallifligini shubha ostiga qo‘ydi
1-noyabrdan issiq suv va issiqlik energiyasi narxlari 30% ga oshadi
Estoniyada asfalt tugadi
