Xitoy Mbappega qarshi keskin choralar ko‘rmoqda

"Real" hujumchisi Kilian Mbappening Xitoyning sobiq rahbari Mao Szedun haqidagi so‘zlari yirik xalqaro mojaroga sabab bo‘ldi.

Fransuz futbolchisi intervyu davomida o‘zi Mao Szedun qiyofasida tasvirlangan mem haqida gapirib, uni "Xitoy diktatori" deb atagan edi.

Bu bayonot Xitoyda keskin noroziliklarga olib keldi. Dongpeng, Mengniu va Milkground kabi yirik kompaniyalar Mbappe bilan reklama hamkorligini to‘xtatdi. Xitoy davlat teleradiokompaniyasi esa La Liga uchrashuvlari translyasiyasini vaqtincha to‘xtatishga qaror qildi.

Mamlakat Tashqi ishlar vazirligi ham mojaroga munosabat bildirdi.

"Xitoy xalqining his-tuyg‘ularini haqorat qiladigan so‘zlar va harakatlar, tabiiyki, jamiyatning barcha qatlamlari tomonidan birgalikda qarshilikka uchraydi", — deyiladi bayonotda.

Vaziyatdan so‘ng "Real" rasmiy uzr so‘radi.

"Klubimiz Xitoyga, uning tarixi, madaniyati va fuqarolariga chuqur hurmat bilan qaraydi", — deyiladi madridliklar bayonotida.

Mbappening o‘zi ham so‘zlari uchun uzr so‘radi. Xitoy TIV futbolchining uzri jiddiy qabul qilinganini ma’lum qildi.

Biroq China Media Group translyasiyalar bo‘yicha cheklovlarni bekor qilish uchun ko‘rilgan choralar yetarli bo‘lishi kerakligini ta’kidlamoqda.

Shu tariqa, Mbappening birgina bayonoti uning Xitoydagi tijoriy hamkorliklariga va Ispaniya futboli translyasiyalariga jiddiy ta’sir ko‘rsatdi.