Xitoyda 5,2 magnitudali zilzila oqibatida 2 kishi halok bo‘ldi

Bu haqda Reuters xabar bermoqda.

Agentlikning xabar berishicha, Xitoyning Guansi provinsiyasida 18 may kuni 5,2 magnitudali zilzila yuz berdi. Yer silkinishi oqibatida Lyuchjou shahridan 7 000 dan ortiq kishi xavfsiz joyga evakuasiya qilingan. Rasmiylar qidiruv-qutqaruv ishlari davom etayotgani va transport qatnovida uzilishlar bo‘lishi mumkinligidan ogohlantirmoqda.

So‘nggi ma’lumotlarga ko‘ra, tabiiy ofat tufayli ikki kishi halok bo‘lgan, bir kishi bedarak yo‘qolgan, yana to‘rt kishi esa shifoxonaga yuborilgan. Ularning hayotiga xavf yo‘qligi aytilmoqda. Zilzila vaqti jami 13 ta bino qulab tushgan.