“Uztelecom” va “Apifonica” O‘zbekistonda ovozli sun’iy intellekt markazini tashkil etadi

Apifonica’ning sun’iy intellekt agentlari platformasi Uztelecom infratuzilmasida joriy etiladi, uning asosidagi ovozli xizmatlar esa keyinchalik butun bozor uchun taqdim etiladi. Loyiha haqida 23 sentyabr kuni ICT Week Uzbekistan 2026 doirasida operatorning «Sun’iy intellekt — kelajak biznesi uchun infratuzilma» forumida e’lon qilindi.

Sun’iy intellekt endi tajribalar mavzusi bo‘lmay qoldi: McKinsey ma’lumotlariga ko‘ra, dunyodagi kompaniyalarning 88 foizi undan allaqachon foydalanmoqda, bulutli texnologiyalar bozori esa 2026 yilning birinchi choragida 143 milliard dollarga yetdi. Bu butun 2020 yilga nisbatan ko‘proqdir. Uztelecom’da buning uchun asos bor: ICT Week’da kompaniya ikkita ma’lumotlar markazini ishga tushirdi, yil oxirigacha ularning soni beshtaga yetadi, barchasi Tier III darajasiga ega bo‘ladi, korporativ mijozlarning ma’lumotlari mamlakatda qoladi. Aynan shu asosda yangi loyiha shakllanadi.

Apifonica bilan hamkorlikda nimalar yaratiladi?

Markaz Uztelecom raqamli transformasiyasiningbir qismiga aylanadi. Sun’iy intellekt texnologiyalarini qo‘llash kompaniyaga mijozlarga xizmat ko‘rsatish sifatini eng yaxshi jahon tajribalari darajasiga ko‘tarishga yordam beradi. Abonentlarga xizmat ko‘rsatishda sun’iy intellektdan foydalaniladi: SI mamlakatdagi eng yirik aloqa markazida qo‘llab-quvvatlashnin gbirinchi bosqichini o‘z zimmasiga oladi. Sinovdan o‘tgan yechim keyinchalik biznesga taklif etiladi, ular ovozli yordamchilarni xizmat sifatida xarid qilishlari mumkin.

Memorandumni imzolash marosimida Apifonica tomonidan Toshkentga kompaniyaning bosh direktori va asoschisi Denis Shirokiy hamda forumda «Sun’iy intellekt aloqa markazida mijozlar tajribasini qanday o‘zgartirmoqda» mavzusida ma’ruza qilgan sun’iy intellekt yo‘nalishi rahbari Kristaps Nelsons ishtirok etdi.

«O‘zbektelekom» AK boshqaruvi raisining tijorat masalalari bo‘yicha o‘rinbosari Javlon Islomov va Apifonica xalqaro kompaniyasi direktori Denis Shirokiy hamkorlik memorandumini imzolash marosimida.

«Mijoz bilan har ikkinchi suhbatni allaqachon sun’iy intellekt olib bormoqda. Qo‘llab-quvvatlash bo‘yicha barcha kiruvchi murojaatlarning 65 foizigacha bo‘lgan qismi SI-agent tomonidan yopiladi. U shunchaki javob bermaydi, balki murojaatni to‘liq hal qiladi: mijozning kartochkasini ochadi, balansni ko‘radi va o‘zgartirishlar kiritadi. Masala darhol, bir necha daqiqada hal bo‘ladi», — dedi Nelsons.

Apifonica kompaniyasining sun’iy intellekt yo‘nalishi rahbari Kristaps Nelsons

Apifonica platformasi 150 dan ortiq tilni qo‘llab-quvvatlaydi, ular bevosita suhbat davomida avtomatik tarzda aniqlanadi, korporativ loyihalarda odatda o‘nga yaqin til joriy qilinadi. Bunda gap operatorlarni almashtirish haqida ketmayapti: McKinsey ma’lumotlariga ko‘ra, SI yordamchisiga ega bo‘lgan kamroq tajribali xodimlarning ish unumdorligi 34 foizga oshadi, masalalar esa ikki-uch barobar tez hal qilinadi. Mashina kundalik ishlarni o‘z zimmasiga oladi, murakkab murojaatlar esa insonga qoladi.

Apifonica kompaniyasi asoschisi va bosh direktori Denis Shirokiy

Forumda yana nimalar haqida so‘z yuritildi?

Dastur ikkita yalpi munozara va ikkita tezkor ma’ruzalar blokidan iborat bo‘ldi, unda O‘zbekiston, Latviya, Rossiya, Ozarbayjon va Xitoydan jami 19 nafar ma’ruzachi so‘zga chiqdi. Muhokamalarga «Kod IB» bosh direktori Olga Pozdnyak va «O‘zbektelekom» AJ boshqaruvi raisi maslahatchisi Yevgeniy Bryansev moderatorlik qildi.

Infratuzilma haqida UzCloud sessiyasida so‘z yuritildi. Kompaniya bosh direktori Farhod Ro‘ziyev hisoblash quvvatini yangi asosiy resurs deb atadi: global provayderlar ularga yiliga 720 milliard dollardan ortiq sarmoya kiritadi, 2030 yilga borib esa ma’lumotlar markazlarining elektr energiyasi iste’moli ikki barobar oshadi. Wink video xizmati direktori o‘rinbosari Sergey Izovskiy ommaviy axborot vositalari sohasidan misol keltirdi: neyron tarmoqlar tasvir sifatini oshiradi, tomoshabinga mos kontentni tanlaydi va tahririyatda qo‘l mehnatiga ehtiyojni kamaytiradi.

Odamlarga alohida e’tibor qaratildi. «Xakademiya» bosh direktori Aleksandr Fedyakov kiberxavfsizlikdagi asosiy zaif nuqta inson bo‘lib qolayotganini eslatdi. SKOLKOVO Moskva boshqaruv maktabining biznes amaliyoti bo‘yicha taklif etilgan o‘qituvchisi Mixail Stepnov hamshu haqda boshqa tomondan gapirdi: BCG ma’lumotlariga ko‘ra, xodimlarning atigi 36 foizi o‘zlarini sun’iy intellekt bilan ishlashga yetarlicha o‘rgatilgan deb hisoblaydi, shu bilan birga 47 foizi allaqachon qo‘lda bajariladigan ishdan ko‘ra SIni boshqarishga ko‘proq vaqt sarflamoqda. Texnologiyalar odamlarni ularga mos ravishda o‘qitishga qaraganda tezroq joriy etilmoqda.

Uztelecom nafaqat texnologiyalar, balki xodimlarni o‘qitish bilan ham shug‘ullanadi. Bu yil kompaniya o‘zbek tilida gapiradigan Ollie SI-murabbiyi ishtirokidagi Uztelecom Ta’lim platformasini ishga tushirdi, unda 500 ga yaqinkishi ta’lim oldi. «Kompetensiyalar ham xuddi stoykalar va optika kabi infratuzilmaning bir qismidir», — dedi «O‘zbektelekom» AJ TMS Hub direktori o‘rinbosari Nargiza Abdurahmonova.

Toshkentda ICT Week Uzbekistan 2026 ko‘rgazmasi 25 sentyabrgacha davom etadi.