O‘zbekistonning navbatdagi raqibi portugaliyalik bosh murabbiyini ishdan haydadi

Paulu Bento Birlashgan Arab Amirliklari terma jamoasi bosh murabbiyligidan ketdi. Bu haqda mamlakat futbol federasiyasi xabar berdi.

55 yoshli portugaliyalik mutaxassisning iste’fosi sabablari hozircha noma’lum.

Amirliklar kecha JCH-2026 saralashida Shimoliy Koreyani so‘nggi soniyalarda kiritilgan gol evaziga mag‘lub etib (2:1), JChga to‘g‘ridan-to‘g‘ri yo‘llanma olish imkoniyatini saqlab qolgandi.

Hozirda ular uchinchi saralash bosqichining A guruhida 13 ochko bilan uchinchi o‘rinda bormoqda. O‘zbekiston 17 ochko bilan ikkinchi o‘rinda.

9-turda BAA vakillarimizni o‘z maydonida qabul qiladi.