Ukraina aviasiyasi Rossiyaning harbiy ob’ektlarini yo‘q qilmoqda

Deep State monitoring loyihasi Ukraina aviasiyasining Belgorod viloyatidagi harbiy ob’ektlarga bergan zarbalari tasvirlarini e’lon qildi.

Tahlilchilarning ma’lumotlariga ko‘ra, zarbalar Demidovka va Kondratovka aholi punktlari atrofida amalga oshirilgan.

Eslatib o‘tamiz, 18 mart kuni Ukraina prezidenti Volodimir Zelenskiy Belgorod viloyatidagi ehtimoliy operasiyalar haqidagi savolga javob berar ekan, Rossiya hujumlarining oldini olish uchun Ukraina oldindan harakat qilish huquqiga ega ekanini ta’kidlagan edi.

Ukraina harbiy rahbariyati tomonidan bu borada hozircha rasmiy izoh berilmagan. Ukraina Qurolli kuchlari Bosh shtabi Mudofaa kuchlari faqat Rossiya Federasiyasining harbiy ob’ektlariga zarba berayotganini bir necha bor qayd etgan.