Kreml Trampning Putinga g‘azabi haqida nima dedi?

Kreml matbuot kotibi Dmitriy Peskov Amerika rahbari Donald Trampning Rossiya prezidenti Vladimir Putinga nisbatan g‘azabi haqidagi so‘zlariga munosabat bildirdi.

"Tilga olingan fikrlarning bir qismi qayta hikoya qilish orqali berilgan. Bular qo‘shtirnoq ichidagi iqtiboslar emas edi. Biz Ukraina masalasini hal qilish bilan bog‘liq ba’zi g‘oyalarni amalga oshirish ustida ishlamoqdamiz. Bu ish davom etmoqda. Hozircha sizlarga aytishimiz mumkin va lozim bo‘lgan aniq ma’lumotlar yo‘q.

Bu, albatta, vaqt talab qiladigan jarayon bo‘lib, ehtimol, masalaning murakkabligi bilan bog‘liqdir. Biz Amerika tomoni bilan, avvalo, oldingi ma’muriyat davrida jiddiy zarar ko‘rgan ikki tomonlama munosabatlarimizni qayta yo‘lga qo‘yish bo‘yicha ishlarni davom ettirmoqdamiz," - dedi Peskov.