O‘zbekistonlik sportchi 4 kun qolganda UFCda jang qilishga rozilik berdi

15 fevral kuni Las-Vegasda UFC Vegas 102 turniri o‘tkaziladi.

Hamyurtimiz, Nursulton Ro‘ziboyevning ukasi Mashrabjon Ro‘ziboyev 4 kun qolganda ushbu turnirda jang qilishga rozilik berdi.

Mazkur turnir doirasida Kauye Fernandes va Jared Gordon o‘zaro jang qilishi lozim edi. Ammo Fernandes jarohat oldi va jangda qatnasha olmaydigan bo‘ldi. Mashrabjon Ro‘ziboyev esa Gordon bilan jang taklifiga rozilik berdi.

Shu tariqa, yakshanba tongida kichik Ro‘ziboyev UFC'da debyut jangini o‘tkazadigan bo‘ldi.