"Manchester Siti" "Brentford"ni mag‘lub etib, Angliya Liga kubogi yarim finaliga yo‘l oldi, Xusanov to‘liq o‘ynadi

"Manchester Siti" Angliya Liga Kubogi 1/4 finalidan o‘rin olgan "Brentford"ga qarshi bahsda g‘alaba qozondi - 2:0. O‘yin Manchesterdagi "Etihad" stadionida bo‘lib o‘tdi.

Uchrashuvning 32-daqiqasida fransiyalik yarim himoyachi Rayan Sherki hisobni ochdi. Tanaffusdan so‘ng braziliyalik vinger Savinyo mezbonlarning ikkinchi goliga mualliflik qildi.

Ushbu bellashuvda Abduqodir Xusanov 90 daqiqada maydonda harakat qildi. Shuningdek, uchrashuvning 16-daqiqasida ogohlantirildi.

"Manchester Siti"ning yarim finaldagi raqibi qur’a natijalariga ko‘ra aniqlanadi. Avvalroq "Chelsi" "Kardiff Siti"ni mag‘lub etib (3:1), yarimfinalga chiqqan edi.