Turkiya Rossiyadan sotib olingan S-400 zenit-raketa majmualarini qaytarmoqchi

Bu haqda Bloomberg xabar bermoqda.

Agentlik ma’lumotiga ko‘ra, Vashington Anqaradan Rossiya harbiy texnikasidan voz kechishni talab qilmoqda. AQSh buning evaziga Turkiya mudofaa sanoatiga qo‘yilgan sanksiyalarni bekor qilish va Anqaraga F-35 qiruvchi samolyotlarini yetkazib berish imkoniyatini qayta tiklashga tayyorligini bildirgan.

"Rajab Toyyib Erdo‘g‘an S-400 tizimlarini qaytarish masalasini Vladimir Putin bilan 13 dekabr kuni Ashxobodda o‘tkazilgan uchrashuvda muhokama qilgan", deya yozmoqda Bloomberg.