O‘zbekistonda o‘rtacha oylik ish haqi qancha?

O‘zbekistonda o‘rtacha oylik ish haqi 7,1 mln so‘mga yetdi.

Markaziy bankning 2026 yil II chorak Mehnat bozori sharhiga ko‘ra, yanvar–iyun oylarida nominal ish haqi 18,4%, real ish haqi esa 10,9%ga oshgan. (cbu.uz)

📈 Real ish haqining eng yuqori o‘sishi:
— Jizzax — 13,3%;
— Namangan — 11,8%;
— Toshkent shahri — 10,7%.
Eng past o‘sish Andijon — 7,9% va Qoraqalpog‘iston — 8,6%da qayd etilgan.

💼 Eng yuqori o‘rtacha ish haqi moliya va sug‘urta sohasida — 19,1 mln so‘m, axborot va kommunikasiya xizmatlarida esa 17,4 mln so‘mni tashkil etgan.

Eng past o‘rtacha ish haqi qishloq xo‘jaligida — 3,5 mln so‘m, ijtimoiy xizmatlarda — 4,7 mln so‘m bo‘lgan.

📊 Ish haqining eng yuqori o‘sishi tashish va saqlash sohasida — 22,8%, ijtimoiy xizmatlarda — 20,2%, qurilishda — 19,9%ni tashkil etgan.