O‘zbekistonda poyezd, samolyot va avtobus uchun yagona chipta joriy etilishi mumkin

Bu haqda aholi muhokamasiga qo‘yilgan Transport sohasini 2030 yilgacha rivojlantirish strategiyasi loyihasida nazarda tutilgan.

Taklifga ko‘ra, 2028 yildan ayrim yo‘nalishlarda poyezd, samolyot va avtobus uchun yagona chipta — "Bir yo‘l" platformasini joriy etish rejalashtirilmoqda.

Shuningdek, strategiya loyihasida quyidagi rejalar ham bor:

▪️2027 yil oxirigacha tezyurar poyezdlar qatnovini Andijondan Samarqandgacha uzaytirish;

▪️Toshkentdagi ikki temir yo‘l vokzali, xalqaro aeroport va markaziy avtovokzalni yagona transport bog‘lamasiga birlashtirish;

▪️2028 yilda Farg‘ona vodiysidagi halqa yo‘nalishida elektropoyezdlar qatnovini ikki barobar oshirish;

▪️Vokzallar va xalqaro aeroportlarda bepul Wi-Fi hamda bagaj saqlash xizmatlarini yo‘lga qo‘yish;

▪️58 ta avtovokzal va avtostansiyani qurish yoki rekonstruksiya qilish.