O‘zbekiston milliy jamoasi va «Rizespor» himoyachisi Husniddin Aliqulov jarohatdan tiklanish jarayonida navbatdagi bosqichga o‘tdi. Futbolchi turk klubi mashg‘ulotlarida ishtirok etishni boshladi.
«Rizespor» Aliqulovning mashg‘ulot o‘tkazayotgan jarayonidan suratlarni ijtimoiy tarmoqlardagi sahifasiga joyladi.
26 yoshli himoyachi 19 yanvar kuni Turkiya Superligasining «Gyoztepe»ga qarshi uchrashuvida og‘ir jarohat olgan edi. Tekshiruvlar natijasida uning chap tizzasida oldingi xochsimon bog‘lam uzilishi, tizza qopqog‘i hamda ichki va tashqi menisklarida shikastlanishlar aniqlangan.
Aliqulov 10 fevral kuni Rimdagi «Villa Styuart» klinikasida jarrohlik amaliyotini boshdan kechirgan.
Ushbu jarohat sabab futbolchi 2026 yilgi Jahon chempionatida O‘zbekiston milliy jamoasi tarkibida ishtirok eta olmadi.
Ronaldu yoki Jezush? Portugaliyaliklar tanlovini qildi
Ikki futbolchi zo‘rlash ishida qo‘lga olindi
Osiyo o‘yinlari: O‘zbekistonlik chempion va murabbiylarga beriladigan mukofotlar ma’lum
