Urush boshlanganidan beri halok bo‘lgan falastinliklar soni 70 mingdan oshdi

2023 yil 7 oktyabrdan beri Isroilning harbiy harakatlari oqibatida G‘azo sektorida halok bo‘lganlar soni 70 mingdan oshdi.

Bu haqda Falastin anklavining sog‘liqni saqlash vazirligi ma’lum qilgan.

"Isroilning 2023 yil 7 oktyabrdan beri qilgan harakatlari oqibatida halok bo‘lganlar soni 70,1 ming kishiga yetdi, 170,983 kishi jarohat oldi”, — deyiladi bayonotda.

Qayd etilishicha, so‘nggi 48 soat ichida G‘azo sektorida ikki kishi halok bo‘lgan, 11 kishi yaralangan. Sog‘liqni saqlash vazirligi ma’lumotlariga ko‘ra, sulh kuchga kirgandan beri G‘azo sektorida 354 kishi halok bo‘lgan, 900 dan ortiq kishi jarohatlangan.