Qozog‘iston prezidenti Qosim-Jomart To‘qayev dunyoning yirik davlatlari o‘rtasida o‘zaro ishonch chuqur inqirozga yuz tutayotganini ma’lum qildi.
To‘qayev bu haqda Qozog‘iston xalqiga yo‘llagan yillik murojaatida ta’kidlagan.
Uning so‘zlariga ko‘ra, dunyoda davlatlar o‘rtasida o‘zaro ayblovlar va yashirin qarama-qarshilik kuchaymoqda, xalqaro huquqning ahamiyati pasaymoqda, Birlashgan Millatlar Tashkilotining nufuzi esa inqirozni boshdan kechirmoqda.
«Butun insoniyat silsilalar va beqarorlik davrida yashayotganini aytish mubolag‘a bo‘lmaydi. Hatto Sovuq urush davrida ham bu qadar murakkab va oldindan aytib bo‘lmaydigan vaziyat kuzatilmagan», — dedi To‘qayev.
Prezident, shuningdek, Qozog‘iston mustaqilligi va suverenitetini himoya qilish bilan bog‘liq vazifalar hali to‘liq hal etilmaganini ta’kidladi.
Uning qayd etishicha, mamlakat oldida turgan vazifalarni bajarish uchun jamiyat birligi zarur. Bunday birliksiz islohotlarni amalga oshirish va taraqqiyotga erishish mumkin emas.
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
