Trampning Venesuelaga nisbatan harakatlari Hindiston neft sanoati uchun yangi imkoniyatlar ochmoqda

Hindistondagi yirik neft qayta ishlash kompaniyalari AQSh prezidenti Donald Trampning Venesuelaga nisbatan so‘nggi harakatlarini yangi iqtisodiy imkoniyat sifatida baholamoqda. Mutaxassislarga ko‘ra, Vashingtonning Karakasga bosimi kuchayishi global neft bozorida ta’minot zanjirlarini qayta shakllantirishi mumkin.

Aytilishicha, Venesuela neftiga qo‘yilishi mumkin bo‘lgan yangi cheklovlar yoki mavjud siyosatning o‘zgarishi Hindiston kompaniyalariga boshqa manbalardan arzon xomashyo xarid qilish yoki muzokaralarda qulay shartlar qo‘lga kiritish imkonini beradi.

Ekspertlar, shuningdek, Hindiston neft sanoati AQSH–Venesuela munosabatlaridagi har qanday o‘zgarishni diqqat bilan kuzatayotganini, chunki bu mamlakat energetik xavfsizligi va import strategiyasiga bevosita ta’sir ko‘rsatishini ta’kidlamoqda.