Трампнинг Венесуэлага нисбатан ҳаракатлари Ҳиндистон нефть саноати учун янги имкониятлар очмоқда

Ҳиндистондаги йирик нефть қайта ишлаш компаниялари АҚШ президенти Дональд Трампнинг Венесуэлага нисбатан сўнгги ҳаракатларини янги иқтисодий имконият сифатида баҳоламоқда. Мутахассисларга кўра, Вашингтоннинг Каракасга босими кучайиши глобал нефть бозорида таъминот занжирларини қайта шакллантириши мумкин.

Айтилишича, Венесуэла нефтига қўйилиши мумкин бўлган янги чекловлар ёки мавжуд сиёсатнинг ўзгариши Ҳиндистон компанияларига бошқа манбалардан арзон хомашё харид қилиш ёки музокараларда қулай шартлар қўлга киритиш имконини беради.

Экспертлар, шунингдек, Ҳиндистон нефть саноати АҚШ–Венесуэла муносабатларидаги ҳар қандай ўзгаришни диққат билан кузатаётганини, чунки бу мамлакат энергетик хавфсизлиги ва импорт стратегиясига бевосита таъсир кўрсатишини таъкидламоқда.