AQSh prezidenti Donald Tramp UFC rahbari Dana Uaytga Oq uy matbuot kotibi lavozimini taklif qildi. Biroq Uayt bu taklifni qabul qilish niyatida emas.
Tramp Truth Social ijtimoiy tarmog‘idagi sahifasida Uaytni ushbu lavozimga taklif qilib, UFC jangchilarini ham o‘z yordamchilari sifatida jalb etish istagini bildirgan.
CNN ma’lumotiga ko‘ra, Tramp yordamchilaridan biri bu taklif hazil tariqasida aytilganini bildirgan. Uayt esa 9 noyabr kuni Vashingtonda Tramp bilan uchrashishini ma’lum qilgan.
Tramp va Uaytni ko‘p yillik do‘stlik va hamkorlik aloqalari bog‘lab turadi. Ular Trampning 80 yoshligi munosabati bilan Oq uyda UFC janglarini tashkil etishni ham rejalashtirgan.