AQSh prezidenti Donald Tramp Isroilda hukumat rahbari almashgan taqdirda ham mamlakat bilan hamkorlikni davom ettirishga tayyor. Bu haqda AQShning Isroildagi elchisi Mayk Xakabi ma’lum qildi.
«Xalq o‘z tanlovini qildi. Albatta, biz xalq saylagan hukumat bilan hamkorlik qilamiz», — dedi diplomat «Yashar» partiyasi yetakchisi Gadi Ayzenkotning ehtimoliy bosh vazirligi haqidagi savolga javoban.
Xakabining ta’kidlashicha, Trampning saylov kampaniyasida Binyamin Netanyaxuni qo‘llab-quvvatlagani boshqa qonuniy saylangan hukumat bilan munosabatlar o‘rnatilishiga to‘sqinlik qilmaydi.
Elchi Vashington Netanyaxu va Ayzenkotni Oq uyga muzokaralarga taklif qilishni rejalashtirayotganidan xabari yo‘qligini, biroq bunday imkoniyatni istisno etmasligini bildirdi.