Donald Trampning maxsus vakili Stiv Uitkoff Rossiyadan Eronga AQShning Yaqin Sharqdagi harbiy ob’ektlariga zarba berishi uchun ular to‘g‘risidagi ma’lumotlarni taqdim etmaslikni qattiq iltimos qildi. U bu haqda prezident Donald Trampning samolyoti bortida jurnalistlar bilan muloqot chog‘ida ma’lum qildi.
"Agar Moskva Tehronga yordam berayotgan bo‘lsa ham, bu unchalik katta yordam emas. Agar oxirgi haftada Eron bilan nimalar yuz berganiga qaraydigan bo‘lsak, hattoki ma’lumot olayotgan bo‘lishsa ham bu ularga deyarli yordam bermayapti", — dedi Uitkoff.
Prezident Donald Tramp Rossiya nizoga qo‘shilayotgani haqidagi savolga javoban AQSh Eronning harbiy salohiyatini allaqachon yo‘q qilganini aytdi.
"Ular o‘zlari istagan barcha ma’lumotlarni berishlari mumkin, lekin bu ma’lumotlar jo‘natilayotgan odamlar yakson qilindi. Rossiya ham yakson qilinishi mumkin edi", — dedi AQSh prezidenti.
Avvalroq CNN razvedka ma’lumotlari bilan tanish bo‘lgan manbalariga tayanib Rossiya Eronga AQShning Yaqin Sharqdagi harbiy ob’ektlariga zarba berishi uchun ular to‘g‘risidagi ma’lumotlarni taqdim etayotgani haqida xabar bergan edi.
AQSh Eron neft eksportining 90 foizini nazorat qiluvchi Xark orolini egallashni rejalashtirmoqda
Eronning yangi oliy rahbari saylandi, ammo...
Ko‘rfazda AQSh uchun noxush vaziyat
