AQSh prezidenti Donald Tramp Vashington Eronga nisbatan harakatlarini yakunlaganidan so‘ng Kuba bilan shug‘ullanishni rejalashtirayotganini bildirdi. U shuningdek, Amerika harbiy kemalarini orol qirg‘oqlariga yuborish ehtimolini ham istisno qilmadi.
Amerika yetakchisi bu haqda Florida shtatida o‘z tarafdorlari bilan uchrashuvda so‘zladi.
Tramp o‘z ma’muriyati AQSh Qurolli kuchlariga rekord darajadagi — 1 trillion dollar mablag‘ ajratganini ta’kidladi.
«Bizda dunyodagi eng yaxshi harbiy texnika bor. Buni Venesueladagi voqealar davomida ko‘rdingiz. Eron ham bizda eng yaxshi harbiy texnika borligini aytib beradi. Endi Kuba-chi? Xavotir olmang. Erondan qaytayotganimizda Kuba bilan shug‘ullanamiz, u yerda biroz to‘xtab o‘tamiz», — dedi u.
AQSh prezidenti, shuningdek, Kuba qirg‘oqlariga harbiy kemalar yuborilishi mumkinligini ham aytdi.
«Ular qo‘llarini ko‘tarishadi, shundan keyin biz [AQSh davlat kotibi] Marko Rubioni yuborib, ishni oxiriga yetkazamiz. Hatto to‘xtab o‘tishimiz ham shart emas. Uni shunchaki o‘sha yerga yuborishimiz mumkin, u hammasini o‘zi hal qiladi», — deya qo‘shimcha qildi Tramp.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Messi — uchinchi, Yamal — ikkinchi: "Oltin to‘p" uchun asosiy favorit nomi ma’lum bo‘ldi
