«Tottenhem‎»ni «‎Tottenhem» demang...

Angliyaning «Tottenhem‎» klubi nomi TV-translyasiyalarda turlicha talqin etilayotgani The Athletic nashrining e’tiborini tortdi.

«‎Manchester Yunayted»ga qarshi so‘nggi turda Postekoglu titrlarda «‎Tottenhem Hotspur» bosh murabbiysi deb ko‘rsatildi, barcha TV-grafiklarda jamoa tarkibi «‎Shporlar» (Spurs) nomi ostida tanishtirildi. Ungacha, 19 yanvarda «Everton»ga qarshi o‘yinda Postekoglu — «‎Tottenhem»‎ bosh murabbiysi, barcha grafiklarda — tarkibdan tortib jadvalgacha — faqat «‎Tottenhem» yozuvi bor edi.

Ma’lum bo‘lishicha, 10 fevralda klub butun dunyodagi telekanallarga elektron xat yo‘llab, «‎Tottenhem Hotspur» nomi yangilangani‎»ni bildirgan.

Unda «‎shporlar» to‘g‘ri neyming qanday bo‘lishini ko‘rsatishgan va ularni «‎Tottenhem» deb aytmaslikni so‘rashgan. To‘g‘ri aytilishi — «‎Tottenhem Hotspur»‎ yoki qisqartmasi «‎Shporlar» (Spurs). Izohi shuki, ‎Tottenhem‎ — jamoaning emas, balki (Londondagi) tumanning nomi. Klub 2011 yildan buyon shu pozisiyani tanlagan.

Noyabrda «‎shporlar»‎ yangi brendbukni taqdim etishgandi. Uning bir bo‘limida shunday jumlalar bor:

«Yunayted», «‌‎Siti» va «‌‎Rovers»larga to‘la dunyoda, yagona «Hotspur» — «‌‎Tottenhem Hotspur» bor. Jamoa yoki brend nomini aytishda, iltimos, «‌‎Tottenhem Hotspur», «‌‎Tottenhem Xotspur» futbol klubi» yoki «‌‎THFC»ni ishlating. Jamoamizni hech qachon «‌‎Tottenhem», «‌‎Tottenhem Hotspur FK» yoki «‌‎TH» demang.
‎
«Hech qachon jamoamizni «‎Tottenhem» deb aytmang» — bu iltimosni telekanallar va APL sayti yerda qoldirmadi. Ammo muxlislar ko‘narmikan?