Toshkentda ikki ko‘chada BRT qurilishi sabab harakat cheklanadi

25 oktyabrdan Sergeli va Yunusobod tumanlarida tezkor avtobuslar uchun alohida yo‘laklar qurilishi boshlanadi.

Qurilish ishlari olib boriladigan hududlar:
➖ Yangi Sergeli ko‘chasi — 1 368 metr. Yangi Sergeli va Cho‘shtepa ko‘chalari kesishmasidan SOUYEAST servis markazigacha;
➖ Amir Temur shohko‘chasi — 1 430 metr. Ahmad Donish ko‘chasi kesishmasidagi yo‘l o‘tkazgichdan Shahriston ko‘chasi kesishmasigacha.

Ko‘chalar to‘liq yopilmaydi. Qurilish yo‘lning markaziy qismida olib boriladi, qolgan harakat yo‘laklari ochiq qoladi.

Haydovchilarga safarni oldindan rejalashtirish, vaqtinchalik yo‘l belgilariga amal qilish va zarur hollarda muqobil yo‘nalishlardan foydalanish tavsiya etilmoqda.