Ukraina mojaroni tugatish uchun murosaga borishi, rus tilida so‘zlashuvchi aholi istiqomat qiladigan hududlarga bo‘lgan da’volaridan hamda NATOga a’zo bo‘lish niyatidan voz kechishi kerak.
Bunday fikrni Buyuk Britaniyaning The Times gazetasi sharhlovchisi Mettyu Perris bildirdi.
Uning so‘zlariga ko‘ra, Ukraina Qrim va «aholining aksariyati rus tilida so‘zlashadigan sharqiy hududlar»ga bo‘lgan da’volaridan voz kechishi lozim. Perris, shuningdek, Moskva bu masaladagi pozisiyasini hisobga olgan holda, Kiyev NATOga a’zo bo‘lishga intilmasligi kerakligini ta’kidlagan.
Jurnalistning qayd etishicha, Ukraina buning o‘rniga Yevropa Ittifoqiga qo‘shilishi mumkin. U Ukraina xavfsizligini kafolatlash maqsadida mamlakat hududida Yevropa davlatlari, AQSh va xalqaro tashkilotlar kuzatuvchilarini joylashtirishni taklif qilgan.
Perris Ukraina hududlari masalasida Kiyev murosaga bormasligi kerakligini ta’kidlayotgan Britaniya va Ukraina siyosatchilari hamda ekspertlarining pozisiyasini reallikdan yiroq deb baholagan.
Uning fikricha, bunday yondashuv Ukrainada gumanitar falokatga olib kelishi va Yevropa davlatlarining iqtisodiy resurslarini sezilarli darajada sarflab yuborishi mumkin.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
O‘zbekiston Samarqand haqidagi bayonotlar sabab Eronga norozilik notasi topshirdi
Sun’iy intellekt dunyodagi eng qimmat surat muallifligini shubha ostiga qo‘ydi
