Toshkent — Andijon yo‘nalishida poyezdlar endi yangi jadvalda harakatlanadi

2026 yil oktyabr oyidan Toshkent va Farg‘ona vodiysi shaharlari o‘rtasida qatnovchi bir qator yo‘lovchi poyezdlarining harakat vaqti yangilanadi.

"O‘ztemiryo‘lyo‘lovchi" AJ ma’lumotiga ko‘ra, o‘zgarishlar avvalo Toshkent — Andijon yo‘nalishidagi elektropoyezd va boshqa qatnovlarga taalluqli bo‘ladi.

1 oktyabrdan 730-sonli Toshkent — Andijon elektropoyezdi poytaxtdan soat 07:20 da harakatni boshlaydi. Poyezd Popga 09:56 da, Qo‘qonga 10:26 da, Marg‘ilonga 11:02 da va Andijonga 11:42 da yetib boradi.

Qaytish yo‘nalishidagi 729-sonli poyezd esa Andijondan 15:33 da jo‘naydi. U Marg‘ilonga 16:10 da, Qo‘qonga 16:45 da, Popga 17:16 da va Toshkentga 19:55 da yetib keladi.

Shuningdek, oktyabr oyining turli sanalaridan boshlab quyidagi qatnovlar ham yangi vaqt asosida harakatlanadi:

• 732-sonli Toshkent — Andijon poyezdi — 1 oktyabrdan, 17:50 — 23:53;
• 731-sonli Andijon — Toshkent poyezdi — 1 oktyabrdan, 06:50 — 13:07;
• 734/92-sonli Toshkent — Andijon poyezdi — 4 oktyabrdan, 17:50 — 00:34;
• 733-sonli Andijon — Toshkent poyezdi — 5 oktyabrdan, 06:03 — 13:07;
• 91-sonli Andijon — Toshkent poyezdi — 6 oktyabrdan, 18:40 — 01:24;
• 98/94-sonli Toshkent — Andijon poyezdi — 3 oktyabrdan, 08:10 — 14:39;
• 93-sonli Andijon — Toshkent poyezdi — 3 oktyabrdan, 16:40 — 22:27;
• 95/97-sonli Andijon — Toshkent poyezdi — 1 oktyabrdan, 17:30 — 00:11;
• 96-sonli Toshkent — Andijon poyezdi — 7 oktyabrdan, 04:55 — 11:30.

O‘zgarishlar faqat Toshkent — Andijon yo‘nalishi bilan cheklanmaydi. Xiva/Urganch — Andijon, Andijon — Xiva/Urganch, Andijon — Qo‘ng‘irot, Qo‘ng‘irot — Andijon, Andijon — Termiz va Termiz — Andijon uzoq masofali poyezdlarining Toshkent — Andijon oralig‘idagi harakat vaqti ham qayta ko‘rib chiqiladi.

Mahalliy qatnovlarda ham yangilik bor. 6312-sonli Qo‘qon — Andijon poyezdi 1 oktyabrdan Qo‘qondan 06:05 da jo‘nab, Andijonga 08:46 da yetib boradi.

7091-sonli Qo‘qon — Namangan — Andijon — Qo‘qon poyezdi esa Qo‘qondan 05:10 da yo‘lga chiqadi. U Namanganga 07:31 da, Andijonga 10:53 da yetib boradi. Qaytishda poyezd Andijondan 11:00 da jo‘nab, Qo‘qonga 13:43 da keladi.