"Vahshiylarga qarshi bu kurashda bizning Prezident Trampdan ko‘ra muhimroq sherigimiz yo‘q"

Isroil Bosh vazirining boshqa bayonotlari:

- Endi esa siz oxirgi istehzoni eshitmoqchimisiz? Isroil shuningdek, delegasiyalari hozirgina bu xonadan chiqib ketgan ko‘plab mamlakatlarni himoya qiladi. Aslida, men shuni bilishingizni istayman: ularning ko‘plab rahbarlari hatto bizga Eronning yadroviy dasturini yo‘q qilganimiz uchun shaxsiy minnatdorchilik bildirishadi.

- Lekin men uchun bu Bosh vazir sifatida qabul qilishim kerak bo‘lgan eng oson qarorlardan biri edi, chunki agar biz buni qilmaganimizda, barchamiz o‘lgan bo‘lar edik!

- Buyuk Britaniya va Fransiya haqida: ular Isroilni mustamlakachilikda ayblamoqda. Bizni bunga kim ayblayapti? Ular orasida Britaniya va Fransiya vakillari ham bor. Xudo haqqi, bu atamani aynan ular o‘ylab topgan — ularning mustamlakalari butun dunyo bo‘ylab cho‘zilgan! Mustamlakachilikmi? Qani endi!

- Yaqinda akam Yonatan Netanyaxuning o‘ldirilgan joyida haykalini o‘rnatgani uchun Ugandaga minnatdorchilik bildirmoqchiman.

- 7-oktabr kuni Hamas qo‘shnilari — ularni ish bilan ta’minlagan isroilliklarni o‘ldirdi. Bu 11-sentyabr voqealaridan 16 baravar ko‘p — 11-sentyabr kabi 16 ta fojia.

- Buyuk amerikalik do‘stlarimiz bilan birgalikda biz Eron armiyasi, dengiz floti va havo kuchlarini, shuningdek, yadroviy inshootlarini yo‘q qildik.

- Peydjerlarni eslaysizmi? O‘sha voqealarni eslaysizmi? Ularni eslaysizmi? Xo‘sh, men sizga ayta olaman: Hizbulloh ularni albatta eslaydi. Qolgan terrorchilar umidsizlik bilan qayta to‘planishga harakat qilmoqdalar. Ular har kuni bizning xalqimizni, ayniqsa tarixiy vatanimiz - Yahudiyadagi xalqimizni o‘ldirishga harakat qilishadi. Aytgancha, "yahudiy" so‘zi aynan shu yerdan kelib chiqqan - "Yahudiya" nomidan. Bu bizning yerimiz. Ular bizni o‘ldirishga harakat qilmoqdalar.

- Ular homilador ayollarni otib tashlashadi. Ular butun oilalarni o‘qqa tutishadi. Albatta, bularning hech biri xalqaro matbuotda yoki ijtimoiy tarmoqlarda yoritilmagan - hech narsa!

- Bu matbuot faqat tosh otib, zaytun daraxtlarini kesayotgan bir hovuch yahudiy yosh jinoyatchilarni - taxminan 150 kishini yoritadi, xolos.

- Vahshiylarga qarshi bu kurashda bizning Prezident Trampdan ko‘ra muhimroq sherigimiz yo‘q edi. Men undan minnatdorman. Isroil va Amerika sivilizasiyani saqlab qolish uchun birgalikda harakat qilishdi.