Timur Kapadze oktyabr oyida ham milliy jamoa boshqaruvida qoladimi?

Milliy jamoa FIFA kunlari (6-14 oktyabr) doirasida 2 ta uchrashuvda maydonga tushadi.

Ma’lumotlarga ko‘ra, O‘zbekiston terma jamoasi bosh murabbiyi Timur Kapadze oktyabr oyida terma jamoa rulida faoliyat yuritishda davom etadi.

Milliy jamoa 5 oktyabr kuni yig‘inni boshlashi kutilmoqda. Tez orada qaydnoma e’lon qilinadi.

O‘zbekiston 9 oktyabr sanasida Toshkentda o‘rtoqlik bahsi o‘tkazishni rejalashtirgan bo‘lsa, shundan so‘ng Malayziyaga yo‘l oladi va 13 oktyabr kuni Malayziyaning Malakka shahrida Urugvay terma jamoasiga qarshi maydonga tushadi.

O‘zbekiston futbol assosiasiyasi hamon murabbiy topa olganicha yo‘q. Bunga qadar Paulu Bentu, Slaven Bilich va Fabio Kannavaro kabi murabbiylar rad javobini bergan edi.