Solovyov Moskvaga qilingan zarbalar videolarini tarqatganlarni jazolashni talab qildi

Rossiyalik teleboshlovchi Vladimir Solovyov Moskvaga qilingan dron hujumlari aks etgan videolarni internetga joylashtirayotgan shaxslarni javobgarlikka tortishga chaqirdi.

Uning ta’kidlashicha, bunday materiallarni tarqatayotganlar ommaviy tarzda jazolanishi kerak. Shuningdek, u «ispaniyalik bloger» deb atagan shaxsni ham tanqid qildi. Solovyovning fikricha, mazkur bloger Moskva viloyatiga qilingan hujumlar videolarini muntazam e’lon qilmoqda, ammo Kiyevga berilgan zarbalar oqibatlarini deyarli ko‘rsatmayapti.

Solovyov bu kabi kontentlar Rossiyaga qarshi axborot ta’siri vositasiga aylanayotganini ta’kidladi.