Saudiya Arabistonining energetika infratuzilmasi va neft eksport yo‘llariga tahdidlar kuchayib borayotgan bir paytda AQSh Yamandagi «Ansorulloh» harakatiga qarshi keng ko‘lamli harbiy amaliyotga bevosita aralashishdan tiyilmoqda.
«Vashington post» xabarlariga ko‘ra, Yaman g‘arbida «Ansorulloh» kuchlarining Qizil dengiz va Bob al-Mandab bo‘g‘oziga yaqin hududlardagi mavqei mustahkamlanmoqda. Bu esa Saudiya Arabistonining neft eksport yo‘llari xavfsizligiga qo‘shimcha bosim yuzaga keltirmoqda.
Bob al-Mandab bo‘g‘ozi jahon savdosi va energiya tashishida muhim dengiz yo‘li hisoblanadi. Hurmuz bo‘g‘ozidagi vaziyat murakkablashgan sharoitda Saudiya Arabistoni neftini Qizil dengiz portlariga yetkazib beruvchi Sharq–G‘arb neft quvuriga ko‘proq tayanayotgan edi. Biroq quvur va boshqa energetika ob’ektlariga hujumlar bu yo‘nalish xavfsizligiga ham ta’sir qilmoqda.
AQSh ma’muriyati Vashingtonning asosiy maqsadi Qizil dengizda kemalar harakati erkinligi kabi milliy xavfsizlik manfaatlarini himoya qilish ekanini bildirgan. Tramp ma’muriyati Yaman mojarosiga to‘liq jalb bo‘lish o‘rniga, mintaqaviy hamkorlar yetakchi rol o‘ynashini kutmoqda.
Mutaxassislar fikricha, Hurmuz va Bob al-Mandab bo‘g‘ozlaridagi beqarorlik bir vaqtning o‘zida kuchaysa, bu neft eksporti, dengiz tashuvlari, sug‘urta xarajatlari va jahon energiya bozoriga bosimni oshirishi mumkin.
Dunyoda atigi uch kishi xorijga pasportsiz sayohat qilishi mumkin
Muhojirlar ketmoqda — Moskva esa qaytishga chaqirmoqda
Surxondaryoda 3700 yillik qabrlar o‘rganilmoqda
