Ronaldu Ginnesning rekordlar kitobiga kirdi (foto)

Portugaliya terma jamoasi hujumchisi Krishtianu Ronalduga Ginnesning rekordlar kitobi sertifikati topshirildi. 40 yoshli to‘purar terma jamoalar o‘rtasidagi o‘yinlarda rekord darajada g‘alaba qozongani uchun taqdirlandi.

Portugaliya terma jamoasi libosida tajribali to‘purar 132 ta g‘alabani nishonlashga ulgurgan. U bu ko‘rsatkich bo‘yicha Ispaniya terma jamoasining sobiq himoyachisi Serxio Ramosni ortda qoldirdi.

Eslatib o‘tamiz, Portugaliya terma jamoasi ikki o‘yin natijasiga ko‘ra Daniya terma jamoasini mag‘lub etib, Millatlar ligasi yarim finaliga yo‘l oldi. Nufuzli turnirning final yo‘llanmasi uchun Ronaldu va uning jamoadoshlari Germaniya bilan kuch sinashadi. Terma jamoalar o‘rtasidagi bahs iyun oyi boshida bo‘lib o‘tadi.