EI yetakchilari Ukrainaga 90 mlrd yevro ajratishga kelishib oldi, buning uchun Rossiyaning muzlatilgan aktivlaridan foydalanilmaydi, deb xabar bermoqda BBC.
"Evropa Ittifoqi yetakchilari 16 soat davom etgan muhokamalar chog‘ida Yevropada muzlatib qo‘yilgan Rossiya aktivlari hisobidan Ukrainani moliyalashtirish sxemasi bo‘yicha kelishuvga erisha olmadi. Biroq, Yevroittifoq Kiyevga 90 mlrd yevro miqdorida moliyaviy yordam ko‘rsatishni YEI byudjeti bilan ta’minlangan qarz hisobidan ajratishni ma’qulladi", deya xabar bermoqda nashr.
"2026–2027 yillar uchun Ukrainaga 90 milliard yevro miqdorida yordam ko‘rsatish to‘g‘risidagi qaror ma’qullandi", — deb yozdi Yevropa Kengashi raisi Antoniu Koshta ko‘p soatlik muzokaralardan so‘ng, ijtimoiy tarmoqlarda.
Koshta bu mablag‘lar qayerdan olinishi haqida aniqlik kiritmadi, biroq Reuters tanishib chiqqan hujjatlarda aytilishicha, mablag‘lar YEI byudjeti bilan kafolatlangan holda kapital bozorlaridan qarz olish orqali jalb qilinadi.
Shu bilan birga, hujjatda ushbu kelishuv Ukrainani moliyalashtirishda ishtirok etishni istamagan Vengriya, Slovakiya va Chexiyaning moliyaviy majburiyatlariga ta’sir qilmasligi qayd etilgan.
Ming afsus! AQShdagi otishmada o‘zbek talaba halok bo‘ldi
To‘satdan kartangizdan pul yechilsa, hayron bo‘lmang!
Aholiga hech qanday shartlarsiz har 3 oyda 200 dollardan beriladi
