Krishtianu Ronalduning kelajagi hamon muhokama qilinmoqda. Mish-mishlar alangasiga "An-Nasr"ni tark etishiga ishora qilgan 40 yoshli futbolchining o‘zi moy sepdi.
Jurnalist Xorxe Nikola o‘zining YouTube'dagi kanalida Ronaldu "Botafogo"dan taklif olgani haqida ma’lumot berdi. Taklif Jon Tekstorning Eagle Football xoldingidagi hamkori bo‘lish imkoniyatini o‘z ichiga oladi.
Nikola, shuningdek, Krishtianu "Botafogo" taklifiga hali javob bermaganini ta’kidladi.
Aytish kerakki, "Botafogo" iyun oyida klublar o‘rtasidagi jahon chempionatida ishtirok etadi. Avvalroq, Ronalduning ushbu turnirda ishtirok etish istagi borligi haqida xabarlar tarqalgan edi.
O‘zbekiston bilan o‘yindan so‘ng BAA terma jamoasidan ikki futbolchi haydaldi
Mirziyoyev "Bunyodkor"dagi bellashuvni Fiso bilan birgalikda kuzatmoqda
Tadbirkor O‘tkir Yusupovga uch xonali uy sovg‘a qildi
