Ronaldu 30 yoshidan keyin terma jamoa safida Neymar, Keyn, Suares va boshqa yulduzlardan ko‘proq gol urgan

"An-Nasr" klubi va Portugaliya terma jamoasi hujumchisi Krishtianu Ronaldu tinimsiz gollari bilan muxlislarini xursand qilishda davom etmoqda. Yakshanba kuni 40 yoshli futbolchi Portugaliya terma jamoasiga Millatlar Ligasi chorak finalida Daniyani mag‘lub etishga yordam berdi (5:2) va gol urdi.

Ronaldu hozirda terma jamoa safida 136 ta gol urgan, ulardan 84 tasi 30 yoshdan keyin urilgan, deb yozadi Opta. Bu Neymar (79), Pele (77), Xarri Keyn (71), Luis Suares (69), Didye Drogba (65), Ronaldo (62), Zlatan Ibrahimovich (62) va boshqa ko‘plab yulduzlarning faoliyatidan ko‘proq.

Krishtianu Ronaldu 2003 yilda Portugaliya terma jamoasida debyut qilgan.