«Real» yulduzi jamoani tark etmoqchi emas

Madridning «Real» klubi futbolchisi Rodrigo jamoani tark etmoqchi emas. Bu haqda Marca nashri xabar berdi.

24 yoshli braziliyalik futbolchi boshqa klublar tomonidan bildirilayotgan qiziqishlarga qaramay, Ispaniya grandi safida qolish istagini bildirgan. «Real» futbolchiga 15 iyundan start oladigan klublar o‘rtasidagi jahon chempionatida o‘zini ko‘rsatish imkonini berishga tayyor.

Yakunlangan mavsum Rodrigo barcha musobaqalarda 50 ta o‘yinda ishtirok etib, 13 ta gol va 10 ta assist amalga oshirdi.