Qozog‘istondagi referendumda qariyb 90 foiz ovoz bilan yangi Konstitusiya loyihasi ma’qullandi

Qozog‘iston Respublikasi Markaziy referendum komissiyasi respublika referendumida ovoz berishning dastlabki natijalarini e’lon qildi.

Evroosiyo integrasiyasi institutining ekzitpol natijalariga ko‘ra, yangi Konstitusiyani qabul qilish uchun 86,7 foiz ovoz berilgan. “Sosis-A” instituti so‘rovida bu ko‘rsatkich 87,4 foizni tashkil etmoqda. Ijtimoiy siyosat institutining ekzitpol natijalari esa respondentlarning 88,6 foizi yangi Konstitusiyani qo‘llab-quvvatlaganini ko‘rsatgan.

"Men ko‘plab mamlakatlarning Konstitusiyalari bilan tanishdim va ishonch bilan ayta olamanki, asosiy qonunimiz eng ilg‘orlari qatorida turadi", — dedi Qozog‘iston prezidenti Qosim-Jo‘mart To‘qayev.