Orban: "Zelenskiy Vengriyani Rossiya energiyasidan voz kechishga majbur qilmoqchi"

Ukraina prezidenti Vladimir Zelenskiy Vengriyani Rossiya energetika resurslaridan voz kechishga majburlamoqchi.

Bu fikrni Vengriya bosh vaziri Viktor Orban bildirdi.

"Keling, buni Zelenskiyning rejasi deb ataymiz: xalqimizga qanchalik qimmatga tushmasin, Rossiyadan arzon energiya sotib olishni to‘xtatishga urinish", — deb yozdi u X ijtimoiy tarmog‘idagi akkauntida.

Orbanning so‘zlariga ko‘ra, bu holda elektr energiyasi uchun to‘lovlar ikki barobar, gaz to‘lovlari esa uch barobar ortadi. U Bryusselga Ukraina manfaati uchun venger oilalarini qurbon qilishga ruxsat bermasligiga ishontirdi.