Oq uy amerikalik jurnalist Yamandagi hujumlar bo‘yicha maxfiy muhokama guruhiga qo‘shilganini tasdiqladi

Oq uy amerikalik jurnalist tasodifan Yamandagi hujumlar bo‘yicha maxfiy muhokama guruhiga qo‘shilganini tasdiqladi.

Bu haqda Milliy xavfsizlik kengashi vakili Brayan Xyuz ma’lum qildi.

Qayd etilishicha, jurnalistning raqami guruhga qanday qo‘shilganini aniqlash uchun tergov boshlangan.

Suhbatga yuqori martabali amaldorlar, jumladan, vise-prezident Jey Vens, mudofaa vaziri Pit Xegset, davlat kotibi Marko Rubio, Markaziy razvedka boshqarmasi direktori Jon Retkliff, maslahatchi Stiven Miller va boshqalar — jami 18 kishi kirdi.

Suhbat AQShning Yamandagi harbiy amaliyotlari, jumladan qurollar, vaqt va nishonlar uchun batafsil rejalar bilan to‘ldirildi.