Olti marta suiqasddan omon qolgan Al-Haddod XAMAS harakatining harbiy qanotiga rahbar bo‘ldi

Falastinning XAMAS harakatining harbiy qanotiga Izz ad-Din al-Haddod boshchilik qiladi, deb yozadi The New York Times manbalarga tayanib. Avvalgi rahbar Muhammad Sinvar may oyi o‘rtalarida vafot etgan.

Harakatning yangi rahbari 2023 yil 7 oktyabrda Isroilga hujumni rejalashtirishda ishtirok etgan, deya qayd etadi gazeta manbalari. U taxminan 50 yoshda va asli G‘azodan. Nashr uni “G‘azodagi amaldagi yetakchi” deb ataydi. The New York Times razvedka manbasiga ko‘ra, Izz ad-Din al-Haddod 1990 yillarda chechen bo‘lginchilarining harakatlarini G‘azodagi XAMAS amal qilishi kerak bo‘lgan misol deb hisoblaydi. Isroilning Ynetnews portali Izz ad-Din al-Haddod kamida olti marta suiqasddan omon qolganini yozdi.

NYT ta’kidlashicha, Izz ad-Din al-Haddod Isroil qo‘shinlari G‘azo sektoridan to‘liq olib chiqilmaguncha, qolgan garovga olinganlarni ozod qilish bo‘yicha har qanday urinishlarga to‘sqinlik qilishi mumkin. Gazeta manbalaridan biriga ko‘ra, yaqinda u, agar XAMAS Isroil bilan “sharafli kelishuv”ga erishmasa, mojaro “ozodlik yoki shahidlik urushiga” aylanib ketishini aytgan.