"Neftchi" va "Paxtakor" bugun Elit OCHLdagi navbatdagi o‘yinlarini o‘tkazadi

Bugun, 26 oktyabr kuni OFK Elit Chempionlar ligasining 2026/27 yilgi mavsumida 3-tur uchrashuvlariga start beriladi. Dastlabki o‘yin kunida G‘arb mintaqasida beshta bahs o‘tkaziladi.

O‘zbekistonning ikki vakili — "Neftchi" va "Paxtakor" ham bugun maydonga tushadi.

Farg‘onaning "Neftchi" klubi o‘z maydonida Saudiya Arabistonining "Al-Ittihod" jamoasini qabul qiladi. Mazkur uchrashuv Toshkent vaqti bilan soat 18:45 da boshlanadi.

Toshkentning "Paxtakor" jamoasi esa Iroqda "Al-Quva Al-Javiya" klubiga qarshi bahs olib boradi. Uchrashuv 26 oktyabrdan 27 oktyabrga o‘tar kechasi soat 23:15 da start oladi.

Shuningdek, kun davomida "Al-Ayn" – "Traktor", "Al-Ahli" – "Al-G‘arafa" hamda "Al-Qodisiya" – "Al-Sadd" uchrashuvlari o‘tkazilishi rejalashtirilgan.

Elit OCHL. 3-tur

26 oktyabr, dushanba

18:45. "Neftchi" – "Al-Ittihod"

21:00. "Al-Ayn" – "Traktor"

21:00. "Al-Ahli" – "Al-G‘arafa"

23:15. "Al-Quva Al-Javiya" – "Paxtakor"

23:15. "Al-Qodisiya" – "As-Sadd"

Barcha vaqtlar Toshkent vaqti bilan ko‘rsatilgan.

Eslatib o‘tamiz, dastlab 26 oktyabrga belgilangan "An-Nassr" – "Al-Vasl" uchrashuvi OFK qarori bilan noma’lum muddatga qoldirilgan. Bahsning yangi sanasi keyinroq e’lon qilinadi.