«Agioi Fanendes» tankeri Nyu-Yorkga 22 oktyabr kuni Boltiqbo‘yidagi Primorsk portida ortilgan 40 ming tonnaga yaqin Rossiya dizel yoqilg‘isini olib bormoqda. LSEG moliyaviy kompaniyasi ma’lumotlariga ko‘ra, Malta bayrog‘i ostidagi kema AQShga 7 noyabr kuni — Kongressga oraliq saylovlardan keyin yetib borishi kerak.
AQSh prezidenti Donald Tramp Rossiyadan yetkazib berish evaziga keskin ko‘tarilgan yoqilg‘i narxlarini pasaytirishga umid qilmoqda. 3 noyabrdagi saylovlar oldidan uning reytingi tushmoqda, so‘rovnomalarga ko‘ra esa respublikachilar demokratlarga imkoniyatni boy bermoqda.
Ushbu kelishuv Trampning avvalgi pozisiyasiga keskin zid keladi: bir yil oldin u Yevropa mamlakatlarini Rossiya energiya resurslarini xarid qilayotgani uchun tanqid qilib, bu daromadlar Ukrainaga qarshi urushni moliyalashtirayotganini ta’kidlagan edi. Endi esa Vashington sanksiyalarni vaqtincha yumshatish doirasida Rossiya dizeli bilan bog‘liq ba’zi operasiyalarga ruxsat berdi.
Tramp e’lon qilgan rejalarga ko‘ra, oktyabr oyida Rossiya Amerika va jahon bozoriga 300 ming tonna, noyabr oyida yana 500 ming tonna, keyinchalik esa bir million tonna dizel yetkazib berishi kerak. Kelajakda AQSh prezidenti yetkazib berish hajmini besh million tonnagacha yetkazish haqida gapirgan edi.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Dunyodagi eng yirik yo‘lovchi samolyoti Moskvaga qo‘na olmayapti — OAV
Kiyevda endi elektr ishlab chiqarish manbalari yo‘q — Klichko
