Moskva, Pekin va Vashington Rossiya va AQSh prezidentlari Vladimir Putin va Donald Tramp hamda XXR raisi Si Szinpinning uch tomonlama uchrashuviga tayyorgarlikni boshladi. Bu haqda 25 oktyabr kuni Rossiya prezidenti yordamchisi Yuriy Ushakov ma’lum qildi.
Uning so‘zlariga ko‘ra, uchala tomon ham muzokaralar o‘tkazishga prinsipial jihatdan tayyor. «Hozirda Moskva, Pekin va Vashingtonda uchrashuvni o‘tkazishga prinsipial jihatdan tayyor ekanliklarini va unga tayyorgarlik boshlanganini aniq ayta olaman», — dedi Ushakov. U Xitoy tomoni uchrashuv tashkilotchiligiga jiddiy yondashayotganini qo‘shimcha qildi.
Muzokaralarni 18–19 noyabr kunlari Xitoyning Shenchjen shahrida bo‘lib o‘tadigan Osiyo-Tinch okeani iqtisodiy hamkorligi (ATES) sammiti doirasida o‘tkazish ko‘zda tutilgan.
Uch tomonlama uchrashuv o‘tkazish imkoniyati 21 oktyabr kuni Putinning AQSh prezidenti maxsus vakili Stiv Uitkoff bilan muzokaralarida muhokama qilingan edi. Donald Tramp ham avvalroq bunday formatdagi muzokaralarni istisno etmagan edi. Uchrashuv sanasining yakuniy tasdig‘i hozircha e’lon qilinmagan.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
