Fransiya prezidenti Trapp kommunasida sodir bo‘lgan hujumdan keyingi bayonoti bilan e’tirozlarga sabab bo‘ldi. U yerda oq tanli fransuz afrikalik va mag‘riblik kelib chiqishiga ega kishilarga qarata qasddan o‘q uzgan edi. Emmanuel Makron hujumni mamlakat tarixidagi burilish nuqtasi deb atab, ilk bor terakt terisi rangi yoki dini tufayli fransuzlar va bolalarni o‘ldirishga qaratilganini bayon qilgan edi.
«Le Figaro» gazetasi prezidentning so‘zlarini jiddiy xato deb atadi. Tanqidchilar Fransiyada diniy zaminida, jumladan islomchilar tomonidan yahudiylar va nasroniylar o‘ldirilgan ko‘plab teraktlar allaqachon sodir bo‘lganini eslatib o‘tdi.
Trappdagi hujum oqibatida kelib chiqishi afrikalik bo‘lgan 26 yoshli sportchi Pengo Bossio Vangi halok bo‘ldi, yana besh kishi yaralandi. Jabrlanganlar orasida ahvoli og‘ir bo‘lgan 12 yoshli qiz ham bor. Milliy aksilterror prokuraturasi hujumni irqiy zaminda sodir etilgan terakt deb malakaladi.
Tanqidlardan so‘ng Makron o‘z pozisiyasini qisman o‘zgartirdi. U X ijtimoiy tarmog‘idagi sahifasida Fransiyadagi nasroniylar va yahudiylarga qilingan o‘tmishdagi hujumlarni eslatib, qurbonlarning birortasi ham unutib yuborilmasligi kerakligini va inson azob-uqubatlarini tabaqalarga ajratib bo‘lmasligini ta’kidladi.
Mazkur hujum Fransiyadagi yangi ommaviy namoyishlar oldidan keskin vaziyat fonida yuz berdi. So‘nggi haftalarda mamlakatni yashash qiymatining oshishi va ta’lim tizimidagi muammolarga qarshi noroziliklar qamrab olgan bo‘lib, ular polisiya bilan to‘qnashuvlar va tartibsizliklar bilan birga kechmoqda.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Dunyodagi eng yirik yo‘lovchi samolyoti Moskvaga qo‘na olmayapti — OAV
Kiyevda endi elektr ishlab chiqarish manbalari yo‘q — Klichko
