Germaniyaning Audi avtoishlab chiqaruvchisining birinchi korxonasi Jorjiya shtatida paydo bo‘ladi — prezident Donald Tramp saylovoldi mitingida avtomobillar ishlab chiqarishga taxminan 4,2 milliard dollar sarmoya kiritish rejalarini e’lon qildi. U sahnaga Audi rahbari Gernot Dyollnerni taklif etdi, u esa Oq uy rahbariga qo‘llab-quvvatlagani uchun minnatdorchilik bildirdi.
Yangi korxonada yiliga 200 mingtagacha avtomobil ishlab chiqarish rejalashtirilgan — birinchi navbatda premium-klassdagi yirik yo‘ltanlamaslar (SUV). Ishlab chiqarilishi kutilayotgan modellar orasida Audi Q7, Q8 va Q9 bor. Kompaniya 4500 ga yaqin ish o‘rni yaratishdan umidvor. Zavod to‘liq ishlab chiqarish quvvatiga 2031 yilga kelib erishishi kerak.
Bu qaror, jumladan, Trampning savdo siyosati bilan ham bog‘liq. Avtomobillar importiga qo‘yilgan Amerika bojlari Audi uchun qimmatga tushmoqda: kompaniya ma’lumotlariga ko‘ra, o‘tgan yili ular taxminan 1,2 milliard yevro miqdorida qo‘shimcha xarajatlarga olib keldi. Shu kungacha Germaniya ishlab chiqaruvchisi Amerika bozoriga avtomobillarni asosan Yevropa va Meksikadan yetkazib berayotgan edi.
AQShda kengayish fonida Audi Germaniyadagi xarajatlarni qisqartirishni davom ettirmoqda. Avvalroq kompaniya 2029 yil oxirigacha 7500 tagacha ish o‘rnini qisqartirish rejalarini e’lon qilgan edi. IG Metall kasaba uyushmasi umuman olganda Amerika bozoriga chiqishni qo‘llab-quvvatladi, ammo Germaniyadagi korxonalar va xodimlar uchun kafolatlar talab qildi.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
