Majburiy ijro byurosi Yangi Namangan tuman bo‘limi davlat ijrochilari xizmat vazifasini bajarish vaqtida qarshilikka duch kelishdi.
Aniqlanishicha, bo‘limning ikki nafar davlat ijrochisi sud qaroriga asosan undiruvchi ta’minotchi korxona foydasiga 10,8 million so‘m qarzdorlikni undirish maqsadida qarzdor fuqaroning xonadoniga borishgan.
Biroq, qarzdorning o‘g‘li qarzni to‘lamasligini bildirib, davlat ijrochilarini haqorat qilgan. Shuningdek, u davlat ijrochilaridan birining qo‘lidagi uyali telefonni tortib olib, devorga urib sindirgan. Ikkinchi davlat ijrochisining esa bo‘yin sohasidan bo‘g‘ib, ko‘krak qismiga urgan va unga yengil tan jarohati yetkazgan.
Mazkur holat yuzasidan fuqaroga nisbatan tegishli modda bilan jinoyat ishi qo‘zg‘atilgan bo‘lib, ayni paytda dastlabki tergovga qadar tekshiruv harakatlari olib borilmoqda.
Qonun talablariga rioya etish, davlat ijrochilarining qonuniy faoliyatiga to‘sqinlik qilmaslik har bir fuqaroning burchidir. Qonuniy talablarga bo‘ysunmaslik, mansabdor shaxslarni haqorat qilish yoki ularga nisbatan kuch ishlatish qonunchilikda belgilangan javobgarlikka sabab bo‘ladi.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Messi — uchinchi, Yamal — ikkinchi: "Oltin to‘p" uchun asosiy favorit nomi ma’lum bo‘ldi
