Mamlakat aholisini 10 million kishi bilan cheklash taklifi o‘ng qanot konservativ Shveysariya Xalq partiyasi tomonidan ilgari surildi, deb xabar beradi DW.
O‘ng qanotchilarning fikriga ko‘ra, migrasiyaning kuchayishi aholining tez o‘sishiga olib keldi, bu esa uy-joy sektori, mahalliy transport tizimi va kommunal xizmatlarga salbiy ta’sir ko‘rsatmoqda.
20 Minuten va Tamedia gazetalari buyurtmasi bo‘yicha o‘tkazilgan so‘rov natijalariga ko‘ra, Shveysariya aholisining 48 foizi rejani qo‘llab-quvvatlash niyatida. Respondentlarning 41 foizi esa bunga qarshi ekanliklarini aytishdi.
Reja tarafdorlari iyun oyida bu masala bo‘yicha referendum o‘tkazilishi kerak, deb hisoblashadi. Biroq, hukumat buni hali rasman tasdiqlamadi. Shveysariyadagi boshqa siyosiy partiyalar taklifni rad etishga chaqirmoqda. Ularning fikricha, qattiq cheklovlar iqtisodiyotga va aholining farovonligiga zarar yetkazadi, chunki Shveysariya kompaniyalari xorijiy ishchi kuchiga bog‘liq.
2025 yil bahoriga ko‘ra, Shveysariya aholisi 9 048 900 kishiga yetdi. Shveysariyada o‘ng qanotchilar aholi soni 9,5 milliondan oshsa, rasmiylar mamlakatga migrasiyani rag‘batlantiruvchi xalqaro kelishuvlarni buzishi kerak, deb hisoblaydi.
Muhammad Saloh jazolanadigan bo‘ldi
AQSh "ham siz bilan, ham biz bilan o‘ynayapti" - Mers
Bomba o‘rnatilgan avtomobilning portlashi oqibatida besh kishi halok bo‘ldi
