Ispaniya Hakamlar texnik qo‘mitasi (CTA) "Barselona" va "Real" o‘rtasidagi "El-Klasiko" uchrashuvini boshqarishi kerak bo‘lgan Alexandro Ernandes Ernandesni boshqa hakamga almashtirishga qaror qildi.
Bu haqda Marca nashri jurnalist Roberto Gomesga tayanib xabar bermoqda.
Manba ma’lumotiga ko‘ra, mazkur qarorga "Real" bosh murabbiyi Joze Mourinyoning noroziligi asosiy sabab bo‘lgan. Portugaliyalik mutaxassis uchrashuvni boshqaradigan hakamning nomi oldindan ma’lum bo‘lib qolganidan norozi bo‘lgan.
"Dastlab uchrashuvni Ernandes Ernandes boshqarishi kerak edi. Mourinyo esa ikki marta o‘yinga qaysi hakam tayinlanishi allaqachon ma’lum bo‘lgani uni hayratga solayotganini aytdi.
Qo‘mita jahon chempionatida ishlagan hakam — Ernandes Ernandesni tayinlamoqchi edi. U joriy mavsumda alohida bosim ostida qolmagan", — dedi Gomes.
Jurnalistning ta’kidlashicha, Hakamlar texnik qo‘mitasi Mourinyoga qo‘shimcha tanqid uchun sabab berishni istamayapti.
"Barselona" va "Real" o‘rtasidagi "El-Klasiko" 25 oktyabr, yakshanba kuni Ispaniya La Ligasining 10-turi doirasida bo‘lib o‘tadi.
Bahodir Jalolov jangdan keyin nega Abduqodir Husanov va Erling Xoland oldiga bordi?
Shohjahon Ergashevning Toshkentdagi jangi janjal bilan nihoyasiga yetdi
Rossiyalik marhum bokschi umrining so‘nggi 11 yilida gapirmagani ma’lum bo‘ldi
