Misrda gaz quvurining portlashi oqibatida 3 kishi halok bo‘ldi, 18 kishi yaralandi

Misrning Sitt Oktober shahrida gaz quvurining portlashi oqibatida 3 kishi halok bo‘ldi, 18 kishi yaralandi.

“Report” xabar berishicha , bu haqda mahalliy Youm7 portali xabar berdi.

“Yong‘in va portlash natijasida uch kishi halok bo‘ldi, 18 kishi jarohatlandi, yaqin atrofda to‘xtab turgan bir nechta avtomobil yonib ketdi”, — deyiladi maqolada.

Dastlabki ma’lumotlarga ko‘ra, hodisaga quvurdan gaz sizib chiqishi sabab bo‘lgan. Hozirda mahalliy prokuratura hodisa sabablarini o‘rganmoqda va portlash ehtimolini ham ko‘rib chiqmoqda.